शाळेच्या आठवणी

कधी तरी अस वाटत परत भूतकाळात जावं..
पुन्हा शाळेच्या त्या लाकडी बाकावर बसावं..

काळया फळ्यावरच्या त्या शब्दांप्रमाने असावं..
पांढऱ्या खडूच्या रेघांमध्ये सार जग दिसावं..

आठवते मला शाळेची ती प्रार्थनेची वेळ..
रांगेत उभे राहून करायचा शिस्तीशी मेळ..

आठवते आजही मला ती मधली सुट्टीची घंटा..
जेवणाचे डबे उघडताच सगळे सोडायचे तंटा..

कडक् शिक्षक येताच भीती वाटायची जाम..
गृहपाठ केला नसेल तर मात्र फुटायचा घाम..

शाळेतल्या तासांची तर किमायच होती न्यारी..
माहिती होती यारी नव्हती कसली दुनियादारी..

शाळेतल्या त्या खेळांमध्ये असे काही रंगायचो..
कधी कधी भांडायचे तर कधी संगे नचायचो..

परीक्षेच्या वेळी अगदी सगळे अभ्यासाला लागायचे..
निकाल लागला की कधी हसायचे कधी रडायचे..

कवितांची गाणी व्हायची आणि धड्यांचे पाठ..
कधी वाचनाचा छंद कधी चित्रकलेचा थाठ..

विसरलो असलो धडे तरी विसरत नाही छडी..
उभ करून उत्तर सांग म्हटलं की दिसायची घडी..

म्हणतात सगळे गेलेली वेळ परत येत नाही..
शाळेतले दिवस जुने झाले तरी विसरत नाही..

आता जीवनात जरी पुढे गेलो तरी ओळख तीच जुनी..
गेले ते दिवस आणि आता राहिल्या फक्त आठवणी..

..सुमित