प्रेमाच्या गोष्टी..

खूप झाल्या आता प्रेमाच्या गोष्टी..
त्या कविता लिहण तुझ्या साठी..
तुझ्या प्रेमाच्या अन् तुझ्या विरहाच्या..
तुलाच नावं ठेऊन त्यात तुलाच शोधण्याच्या..

कुठे तरी पूर्ण विराम हवा ना त्याच त्याच जुन्या वेदनांना..
त्या टाहो फोडणाऱ्या भावनांना आणि त्या कारुण्याच्या शब्दांना..

अजुन किती जपणार मी तीच जुनी जखम..
जगात कुठेच नसतं अश्या जखमेच मलम..
आता नाही सलणार ती कारण कुठे तरी ह्याचा अंत हवा..
जुन्या आठवणीचा पाश तोडून नवा एक सूर्य उगवावा..

पुरे झालं आता तुझ्या आठवणी मध्ये हरवण..
शब्दांचे पुल बांधून पुन्हा पुन्हा त्याच ठिकाणी जाणं..
आज सगळे बांध तोडून मी झुगारून देतो ते बंध..
समजूत घालून स्वतःची सुटका करून घेतो सबंध..

आता घेतला मोकळा श्वास आणि नव्या जगण्याची सुरुवात..
वाट पाहत आहे माझी, रात्र संपून होणारी नवी पहाट..
मागे पडलं हे घडलेलं, विसरून गेलो त्या गाठीभेटी..
समुद्राची लाट जशी वाहत नेते पाऊलखुणांच्या रेती..

आता सगळे विचार नवे आणि नवी वळणे..
मार्ग सोपा नाही तरी थांबणार नाही पावले..
आता नको प्रेम बिम म्हणून मी जेव्हा कुठे सावरलो..
नव्या वाटेवर एका वळणावर मी पुन्हा प्रेमात पडलो..

....सुमित जेजुरीकर